今夜一丁：Kyoko性感女看護 泰誘人

有睇過Kyoko上載到社交網嘅看護造型照，相信都會被佢嗰身性感到爆嘅內衣所吸引，一對美乳呼之欲出，兩粒乳點若隱若現，有口痕友話，如果現實生活中有個咁火辣嘅看護幫自己打針，好易流血下止，講緊嘅係鼻血呀！話時話，見到呢位性感女Coser，可能好多人都會以為佢來自日本或韓國，查實Kyoko嚟自泰國通沙連縣素可泰，因為天生一副童顏，所以好叻賣萌，亦深明性感造型先容易掀起話題，於是每次拍寫真一啲都唔錫身。

除咗看護造型夠吸睛，Kyoko仲拍攝咗唔少以犬娘為主題嘅性感照。所謂「犬娘」，意思係指頭頂戴上可愛狗耳朵，再配合性感度極高嘅裝束。講真阿妹扮起犬娘時，又真係幾正，一來個樣好似小動物咁可愛，二來佢嘅身材嬌小得嚟又前凸後趷，所以可觀性相當高，吸引到唔少網民讚好。值得一提，Kyoko玩Cosplay之所以玩得咁出色，絕非偶然，原因係佢曾經修讀時裝設計，兼且做過模特兒，所以大部分Cosplay衫都係由佢親自製作或修改，賣相唔吸睛先奇！

社交網站

萌味十足嘅Kyoko，拍過唔少性感造型照，試過扮牛牛、兔仔、女王等等，每一輯嘅衣着都總係露肉度極高，不妨登入佢嘅社交網，慢慢欣賞。

網址：https://www.facebook.com/koy.yo.whatsup

撰文：魂