今夜一丁：山岡雅彌 G奶摔跤震騰騰

係人都知做運動有益身心，男人可以靠恒常鍛煉嚟保持雄風，女人亦可以藉此操弗身材，兼令氣血運行良好，從而達到容光煥發嘅效果，今日為大家介紹嘅山岡雅彌，就有辦你睇！出生於日本福岡嘅短髮妹妹仔雅彌，今年18歲，青春逼人，雙眼精靈明亮，有少少兔仔牙，望落好可愛，笑起上嚟勁Sweet！講到身材，阿妹唔屬於纖巧型，因為有做開運動，膊頭係就係橫咗啲，但畀到人一種健美嘅感覺，最緊要係心口有對分量十足嘅G奶，脹卜卜得嚟又夠挺，表面仲隱約透現青筋，唔使摸都知道手感一流。

山岡雅彌喺16歲嗰陣已經開始拍寫真，之後仲喺選美活動「2021 Miss Magazine」獲得Miss Young雜誌獎，當時佢成日好搞笑咁做出一個備戰姿勢，令唔少人留下深刻印象。原來雅彌自細係一個野孩子，有用唔完嘅精力，最鍾意通山跑，後來同細佬妹一齊玩摔跤，漸漸愛上呢項運動，更曾經喺全國初中選拔賽中打入前八名添！話時話，雅彌之所以有機會投身寫真界都同摔跤有關，話說佢有次去東京參加練習，順道去原宿行街，結果被星探發掘。家陣，雅彌主力喺寫真界發展，未來就想試吓拍真人騷，佢話最好送佢去無人島拍齣生存大考驗喎！

山岡雅彌

年齡：18歲

身高：5呎3吋

三圍：37-24-36

山岡雅彌好動外向，平時好鍾意周街去，登入阿妹嘅社交網，就會發現佢成日吃喝玩樂，同埋拍咗唔少性感相。

網址：https://twitter.com/miyabi_11292004