有性趣：床單污糟 性慾歸零

美國寢室用品品牌Pizuna Linens，早前喺英國進行關於有乜嘢因素會令女士性慾歸零嘅調查中發現，有81%嘅女受訪者坦言，如果發現男士張床單唔乾淨嘅話，會令佢哋冇晒性趣。所謂唔乾淨，包括有污漬、雜物、異味等，事關當女士諗到要赤身裸體瞓上去時，就會令佢哋非常抗拒。另外，有77%受訪女士表示接受唔到男士間房污糟邋遢，一聞到陣異味就想嘔，咩Mood都冇晒！跟住有58%女士表示如果男方嘅屋企多雜物，都會令佢哋嘅慾望大減。雖然有人覺得呢個係由寢具公司進行嘅調查，自然會偏袒自己專業嘅重要性，但卻有唔少女網民認同調查結果，唔知男士們又點睇呢？