有性趣：愈凍愈想曳曳？

早前一項由英國已婚男女偷食網站IllicitEncounters所進行嘅關於冬天性生活調查發現，喺受訪嘅2千名男女中，分別有58%女士及62%男士表示，喺氣溫驟降時，會令佢哋更渴望性愛，究竟箇中嘅原因係乜？有受訪者表示佢哋留喺床上時間多咗，又多咗擁抱取暖，加上夜晚嚟得較早，因而令佢哋更易擦出慾火。此外，又因派對多咗，酒亦飲多咗，加上假期多，壓力亦少咗，以致性趣提高。事實上，從科學角度嚟睇，男性嘅睪酮水平會喺冬季達到高峰值，咁就可以解釋到點解傳統上，9月係英國嬰兒出生率嘅高峰期。不過調查又提到，大部分受訪男女表示，冬天係佢哋出軌意欲最高嘅時候。