網紅熱搜：泰自信原味眼鏡娘

有睇過性感網紅喺社交平台上所分享嘅照片，都會發現當中有唔少用上大量濾鏡，樣貌更係經過修飾，正如佢哋話齋，唔修圖又點敢放上網分享呢？更何況，一直以迷人樣貌及火辣身材吸引網民目光嘅佢哋，萬一唔小心將真身公諸於世嘅話，可能會流失大量粉絲㗎！不過對呢位嚟自泰國嘅性感網紅Kwan.Ic嚟講，乜嘢濾鏡同修圖根本就唔當係一回事，事關佢分享嘅寫真相大部分都冇修圖，甚至係素顏上陣，有啲更係連格肋底毛都冇剃乾淨嘅家居自拍照添！居然夠膽將照片原汁原味咁放上網，充分顯出佢真係自信爆棚！

不過Kwan.Ic呢種做法並非想別樹一格，只係佢一直以嚟嘅習慣。佢本身係一位模特兒，如果大家睇番佢早期喺社交平台上分享嘅貼文，便會發現除咗性感迷人嘅寫真相外，仲有生活自拍照，兩者都有一個共通點，就係相當原味，原味到乜嘢美顏濾鏡都冇用之餘，更係零修圖！據佢解釋，本身就冇諗過要將自己打造成外形完美嘅性感女神，反而希望大家可以睇到佢冇化妝最天然嘅一面，佢更笑稱最怕遇到粉絲時，被彈真人差過上鏡。而Kwan.Ic除咗對自己嘅樣貌及嘅身材充滿自信外，有一樣嘢佢好堅持，就係戴眼鏡以四眼妹示人，佢表示雖然試過除眼鏡影相，但總覺得戴咗眼鏡後自己更有氣質，唔知大家又點睇呢？

憑住可愛樣貌加上活潑個性，而深得網民歡心嘅Kwan.Ic，身材亦相當有睇頭，佢亦唔介意以性感形象示人，更開設埋會員制OnlyFans帳號，畀粉絲睇到佢更性感更火辣嘅一面。

網址：https://www.facebook.com/profile.php?id=100082642666373

出生地：泰國

身高：165cm

三圍：34G-23-35

撰文：魂