有性趣：32式九真陰經

有人話男女床上交鋒，猶如兩位武林高手喺擂台上過招一樣，如果從呢個角度嚟睇，想成功剋敵嘅話，咪要學好一身床上武功？由台灣作家麥人杰所著嘅《狎客行之九真陰經》，就可以話係床上武術奇書！

搞笑又認真

大家睇清楚，書名係叫「九真陰經」，唔係「九陰真經」，因為佢開宗明義指呢本係床上武學秘笈。獲日本網民冠以「台灣の四十八手」、「神技中の神技」等外號嘅著作，書中將拳法分為「立姿」、「臥姿」、「器械」及「神技」四路，集合成32式匪夷所思又天馬行空嘅房中秘技，而最過癮嘅係佢十足武林秘笈一樣，有埋人形動作等大家領悟拳法要旨之餘，每個招式均有名堂，好似金雞獨立、顛鸞倒鳳等，加上新版嘅特大號印刷，果真係認真地搞笑！