有性趣：爆胸女跳繩 測試搖晃度

片中嘅「搖晃」係指乜？就係指巨乳搖晃。事關擁有巨乳嘅佢，每次運動時都會因巨乳激烈晃動而搞到好煩惱，佢喺片中表示有外國研究發現，運動期間晃動嘅雙乳，可為身體帶嚟高達27公斤嘅額外重量，因此唔少巨乳女士喺運動期間會覺得胸部及腰部疼痛。測試嘅過程相當簡單，就係分別穿着普通運動內衣及專門運動用胸圍嚟跳繩，喺慢動作播放下，雖然目測雙峰搖晃度差唔多，但佢認為運動胸圍更有包覆力。話說回來，呢位KOL原來係寫真女優，名叫藤田桃，擁有35F巨乳，於2018年8月出道拍寫真。