有性趣：「細佬」冷套暖笠笠

佢以仿羊毛混合彈性物料製成，供男士兵器保暖用。早前有澳洲網民分享，指喺當地一間零售店貨架上，發現一款名為「Toasty Todger」嘅冷套，即時被佢嘅設計意念震驚，因為冇諗過「細佬」竟然都要保暖，仲話喺乜嘢情況下，男士先至會用得着呢個套。有網民話聖誕節送冷衫太普通，如果送呢個冷套嘅話，一定會帶嚟新鮮感同驚喜。只係亦有網民稱12月嘅澳洲咁熱，冇乜可能用得上，加上冷套只得一個尺寸，冇其他Size選擇，未必人人啱戴。但你咪理，「Toasty Todger」已經爆紅，唔少人都話要買番個，唔知大家又有冇興趣呢？