有性趣：狗狗聞出偷情味？

英國著名狗隻行為專家及狗隻網絡頻道「A Dog's Life」嘅女主持Anna Webb，早前喺網上回應網民問題時表示，狗狗從主人嘅面部表情及身上嘅氣味，不但能分辨出主人嘅心情，更能分辨出對方有冇去偷食。Anna解釋人類嘅感味感受器只有5百萬個，而狗隻則多達2.2億個，加上佢哋嘅大腦有個專門記憶遇到每種氣味嘅記憶庫，故此當男女主人偷食返到屋企後，佢哋不但能透過對方嘅表情及身上嘅氣味，分辨出佢係咪偷完食返嚟，甚至認出情夫或情婦係咪熟人添！其中以嗅覺能力強勁嘅拉布拉多、金毛尋回犬及西班牙獵犬最擅長此道，反而法國鬥牛犬同牛頭㹴因太易分心，最易忽略主人嘅偷情線索。