有性趣：Kiss幾耐最有Feel？

增加快樂賀爾蒙

華盛頓大學心理學名譽教授John Gottman博士早前發表報告指，雖然接吻工夫冇得學，但接吻時間卻係人人輕易掌握，只係喺唔少人眼中，接吻要吻出浪漫感，總以為要好似荷里活電影咁咀足半分鐘或以上，其實係錯嘅，從心理學上嚟講，最佳嘅接吻時長只需6秒，因為剛好係專注力最佳嘅時間。佢解釋從生理學角度嚟睇，Kiss 6秒已能夠降低被稱為壓力賀爾蒙嘅皮質醇水平，同時又能增加催產素及多巴胺呢類快樂賀爾蒙，不但吻出浪漫感，同時可以令男女關係變得融洽。此外，更能減少日常生活及工作壓力添！