有性趣：你有冇軟出軌？

呢位外號「性博士」嘅Nicole McNichols，其社交網擁有超過2萬名粉絲，專為夫婦提供性與關係建議，早前佢Po咗一段短片，解釋喺現今社交媒體、色情平台氾濫嘅年代，令傳統上對「出軌」嘅定義產生模糊性，舉例話如果另一半鍾意喺社交平台上睇靚女主播嘅性感相或影片，算唔算出軌呢？仲有跟OnlyFans嘅模特兒進行交流，又算唔算係出軌？甚或喺未來可以跟機械人或喺VR環境下同真人模特兒互動，又係咪出軌呢？而Nicole就將呢啲灰色地帶嘅行為稱為「軟出軌」。佢嘅影片獲得超過200名網民點讚，只係有網民對所謂「軟出軌」嘅定義更加到肉，就係「如果想知道係咪出軌，只需睇吓自己嘅行為，係咪需要對另一半隱瞞或隱藏就得。」結果獲得勁多網民讚好，認為定義更加到肉喎！