有性趣：拍四仔會發達？

1985年3月4日於澳洲悉尼出生嘅天后級脫星Angela White，早前接受網絡媒體訪問時，不但透露出道經過，更坦言演出四仔為自己帶嚟豐厚嘅財富，估計現時嘅身家有800萬英鎊（約7千5百萬港元）。佢話早喺14歲時已夢想成為脫星，2003年讀大學時，主動向美國一間四仔片廠自薦，更遠赴美國演出首套四仔。雖然佢冇透露返回澳洲後，有冇遭受親朋戚友奇異嘅目光，但佢好堅定咁話當時自己嘅決定並冇錯。事實上，佢已成為現今身價最高嘅脫星之一，早前跟著名四仔片廠Brazzers簽下專屬合約之外，自己亦擁有一家四仔製作公司AGW Entertainment，近年更身兼製片人及導演，收入可謂豬籠入水。