有性趣：超立體鏈鋸惡魔

鏈鋸惡魔嘅波奇塔，外形似一隻寵物犬，頭上有把鏈鋸，尾部係發動鏈鋸嘅拉環，萌味十足，人氣相當高，有唔少Coser同網紅都爭相Cosplay呢隻萌魔搶Po。早前日本女網民SyatomiN喺社交平台上分享Cosplay波奇塔嘅自拍照，獲網民大讚夠維肖維妙，而佢就話只係用咗1千日圓（約56港元）低成本就搞掂，做法只需將胸部塗上橙色，然後戴個Push Up Bra谷起兩個山峰，再用紙板等材料做鏈鋸，然後攝喺雙峰之間就大功告成！如此吸睛又還原度高，難怪獲得網民一致好評，只係有心酸嘅女網民表示自己胸部唔大，夾唔實塊紙板。其實SyatomiN用胸部嚟Cosplay已非首次，早前佢用巨乳Cosplay天竺鼠車車，一樣咁吸睛。