今夜一丁：志田音音日本一可愛泳衣天才

每個演員都希望可以做主角，但係畀你做到主角都要努力演繹個角色，至可以成功搶鏡！不過唔一定主角至吸引，因為好多飾演配角嘅演員本身都魅力沒法擋，成功吸引觀眾嘅眼球，好似志田音音就係最佳例子喇！

甜美清新

以前日本寫真女優主打青春同健康性感，但係家陣就唔同晒喇，好多寫真妹嘅演出愈來愈重口味，有時甚至搞到好似拍AV咁，官能刺激夠晒強烈，不過小弟就覺得拍得有美感同充滿陽光味道先至係最吸引，志田音音就係可以發揮呢種感覺喇！

今年25歲嘅佢，氣質清新又帶點淳樸，笑起上嚟散發出嘅甜美感同治愈能量相當強勁，真係人見人愛，車見車載！雖然身材唔屬於激凸火辣，但係上圍對D奶絕對搶鏡，件比堅尼細少少亦可以營造出爆奶效果，加埋鮮嫩白皙嘅肌膚，養眼度唔會比大波妹輸蝕！

成功搶鏡

拍寫真前，佢參加過唔少選美活動，2013年喺《日本Teen-ager小姐決勝大賽》中更奪得亞軍，不過因為當時年紀仲細，故以學業為重。後來音音漸漸長大，一邊讀大學一邊兼職做模特兒，2019年更加獲電視台賞識擔任天氣女郎，同年佢開始拍水着寫真，更獲封「日本一可愛泳衣天才」嘅稱號添！

除咗報道天氣，音音亦有為電視台拍劇，作品包括有《Girl Gun Lady》，最近亦喺特攝片集《幪面超人GEATS》登場，飾演嘅角色就係櫻井沙羅。劇中音音雖然冇得變身做超人，亦只屬於配角，但係佢嘅知名度同人氣夠高，所以觀眾留意佢仲多過班主角，近日喺新宿車站出現嘅劇集宣傳廣告，亦特登用上音音嘅大頭相，可見佢的確有實力又有魅力！

Profile

年齡：25歲

身高：5呎5吋

三圍：33D-23-34

社交網站

志田音音近期憑住演出幪面超人系列而令人氣提升，從其社交網中就可以留意到好多相關消息，亦可以欣賞到音音最新拍攝嘅性感寫真。

網址：https://twitter.com/nenemaru0715

撰文：賢

第一手消息請下載on.cc東網 iPhone/ iPad/ Android/