有性趣：炙黑豆補腎強筋骨

炮製炙黑豆，事前除咗要預備黑豆500克，仲需要配搭多種材料，包括山茱萸、茯苓、當歸、桑椹、熟地黃、補骨脂、蓮絲子、旱蓮草、五味子、枸杞子、地黃皮同黑芝麻，每樣各10克。

先將黑豆用暖水浸泡30分鐘。其他材料塞入布袋，再放入煲內，加適量清水煎煮，約30分鐘取煎液一次，一共取煎液4次。之後將所有煎液放入另一個容器，倒入黑豆，加適量食鹽後，用猛火燒滾，跟住轉文火煎熬至藥液收乾。將黑豆曬乾之後，就可以隨量食用。

黑豆能補腎益陰、健脾利濕、除熱解毒，再利用多種具補腎功效既材料製成炙黑豆嚟食用，對男士好有益，適用於對付因腎精不足、腎陰虧損而造成嘅頭昏目眩、耳鳴耳聾、身體消瘦、腰腿痠痛、筋骨無力等症，對改善神經衰弱、尿頻、遺精也有一定效用。