有性趣：改善遺精有乜計？

面對遺精問題，大家可善用蓮子呢種健康食材。喺中醫角度，蓮子味甘、澀，性平，具有益腎澀精、補脾止瀉、養心安神等功效，《本草綱目》就有以下記載：「交心腎，厚腸胃，固精氣，強筋骨，補虛損，利耳目，除寒濕，止脾洩久痢，赤白濁，女人帶下，崩中諸血病。」

中醫將遺精分為兩種，包括夢中遺精（即係夢遺）同無夢而遺（即係滑精），無論係邊一種，都可以將蓮子去芯，每次連皮生食四至五粒，每日一次，慢慢就可以改善遺精問題。