今夜一丁：火辣拉麵娘 慾望打孖上

家陣做Coser除咗要Cos得維肖維妙外，原來仲要講創意！唔信嘅話，就要睇吓美國性感女Coser Azura嘅日式湯拉麵Cosplay，無論係湯麵定配料，甚至係人咁高嘅筷子，全部都還原度十足，而最過癮係拉麵碗竟然係個浴缸！本嚟平平無奇嘅美人出浴，變成索女湯麵Cosplay，係咪創意十足先？不過對男士嚟講，如此過癮嘅Cosplay固然有睇頭，但係最為吸睛嘅，卻莫過於佢身上嗰套激細比堅尼下嘅一對激凸巨乳，就算隔住屏幕，都聞到撲鼻嘅肉香呀！

Azura坦言呢個Cosplay真係花咗唔少心思，首先要喺浴缸上加上拉麵碗嘅特色圖案，跟住用發泡膠做出烚蛋同日式魚片，另外仲要搵嚟兩支超長嘅木棍做筷子，先至可以做出咁嘅效果。Azura笑稱反而套比堅尼係成個Cosplay中最簡單嘅環節，而佢對於拍出嚟嘅效果亦相當滿意。

有網民問Azura點解會諗到咁特別嘅Cosplay，佢解釋係因為自己勁鍾意食日式拉麵，有日佢望住個浴缸，忽發奇想下便有咁嘅創作。事實上，Azura一直以嚟都係創意十足，亦因為咁，令佢同Cosplay結下不解之緣。早喺佢13歲時，因為鍾情美國動畫《降世神通：最後的氣宗》，於是開始首次Cosplay並自製服裝，到大學時擔任動漫學會副會長嘅佢，更以精美嘅Cosplay服製作手藝而著稱，而大學畢業後，便全身投入Cosplay界，同時開始經營網絡社交帳號，至今已成為超人氣女Coser。

社交網站

自從佢成為性感女Coser後，人氣不斷攀升，而呢點亦可從佢嘅社交網粉絲人數一直有增無減，可見一斑。

網址：https://twitter.com/AzuraCosplay

撰文：魂