有性趣：汁男結婚逼AV下架？

為保障AV女優權益，自2018年2月20日起，日本規定每部AV嘅作品使用期限為5年，之後只要女優提出申請，便可令佢曾演出過嘅作品下架。今年6月15日日本國會參議院通過「AV出演被害防止法」，將範圍推廣至無論係女優或男優，均可喺作品公布後1年內無條件解約，並且有權要求曾演出嘅作品下架。

一個累全家

當時AV業人士已擔心新法案推出，會對產業帶嚟重大影響，結果事隔4個月有業界人士網上爆料，已有人動用新法案令作品下架，只係對方並非知名嘅女優，而係片酬僅得5千日圓（約280港元）嘅「汁男優」，即係喺旁邊DIY嘅群眾演員。據稱對方提出作品下架嘅原因係佢要結婚，怕老婆知道佢曾經做過汁男優。如果下架請求通過，受影響嘅片廠就可以拒絕支付拍攝團隊及所有演出男女優嘅片酬，但係仍要損失製作費、片場租金、交通費等。有資深AV評論員稱，由於影響範圍相當廣關係，預計未來片廠將減少汁男優嘅演出、新進男優嘅提拔等，並會加重資深男優嘅工作量。如果從呢點嚟睇，AV產量可能有段時間會下滑。