有性趣：震棒贈閨蜜 老公嬲豬？

早前有位35歲男網民寫信畀英國雜誌嘅兩性關係專家尋求意見，據佢講因為工作關係要經常出差，為怕老婆閨房寂寞，於是買咗「Clone-A-Willy」DIY震棒套裝，呢個套裝嘅特別之處，在於用真男根倒模而成，加上套裝內附上嘅震蛋就可以盡情享受高潮，於是佢就用自己嘅兵器倒模，完成後送畀老婆。有一日，佢出差返嚟，老婆遞上新買嘅套裝話想老公DIY多一支，追問之下，至發現原來老婆係送畀一位叫Tammy嘅閨蜜，原因係對方同老公離婚後寂寞又枯燥，所以想送支震棒畀對方解決生理需要。男網民覺得好嬲，因為感覺自己好似出軌，又覺得被老婆出賣，最重要係佢本身勁討厭Tammy，但係老婆卻覺得佢小題大做。專家稱佢嬲嘅原因，其實係覺得私處秘密被出賣。