有性趣：AV大食妹帶你食通街

自從實施「0+3」，經常聽到身邊有朋友話要飛，當中又以日本最多人想去！話時話，出外旅遊梗係要食吓當地嘅美食，假如有意去日本玩又未諗到食啲咩，不妨參考吓桃乃木香奈嘅推介喇！

呢位AV界有名嘅大食妹，最鍾意四圍歎美食，食量仲好鬼驚人，一個人可以食到3大碗拉麵。由於阿妹經常喺社交網上載飲飲食食嘅相片，吸引唔少網友注意，仲會問佢有咩美食同心水食店推介添。最近香奈決定正式回應大家，宣布開設個人專屬視頻，並進行一個大型企劃活動，將會去勻日本47個都道府縣，介紹當地美食之餘，仲會帶大家遊覽吓當地嘅景點，真係令人好期待呢！