有性趣：食蟻補腎　唔係講笑！

如何浸製？

中國人真係好識食，就算賣相嚇人嘅昆蟲，一樣擺得入口，何況係咁細隻嘅螞蟻，又點會怯呢！頭先講到用螞蟻浸酒，唔係吹水，做法好簡單，事前要預備螞蟻60克同白酒1公升，先將螞蟻搗碎，用布袋載起，跟住放入容器，再倒入白酒，將容器密封，大約浸泡21日，就可以飲用。分量係每日兩次，每次10毫升，最好係空肚飲。

有乜功效？

又名玄駒嘅螞蟻，《本草綱目》指出食蟻有助扶正固本，而現代醫學研究亦發現，螞蟻身上有蛋白質、維他命、鋅、鐵、硒、磷、鈣等營養素，可以調節人體內分泌功能。至於以螞蟻浸酒飲，可發揮補腎益氣、強筋壯骨功效，有助改善腰膝痠困、四肢無力、性慾低下、病後體虛、風濕關節疼痛等問題，仲有美容、抗早衰作用，體弱、老年人可以經常飲用。一般嚟講，立秋之後飲用此酒，效果更佳。