有性趣：零性慾？石榴汁幫到手

一項由英國愛丁堡瑪格麗特女王大學（Queen Margaret University）進行嘅研究，搵嚟58位年齡介乎21至64歲男女，安排佢哋每日飲一杯石榴汁，然後觀察佢哋嘅內分泌水平，結果發現喺飲用一段時期後，男士嘅睪酮提升咗30%，不但性慾變得比以前旺盛，毛髮生長亦有改善，連聲音亦變得更深沉，而女士嘅腎上腺及卵巢健康亦得到改善，同時骨骼及肌肉亦得到加強，最重要係佢哋嘅性慾亦一樣有明顯嘅提升。另外，一項喺鼠類身上進行嘅研究亦發現，飲用石榴汁一段時間後，雄性大鼠精子嘅質素、生精細胞嘅密度、抗氣化活性程度及睪酮水平亦有顯著提升。睇嚟每日一杯石榴汁，真係令人「蕉」氣勃勃呀！