有性趣：G奶人妻下海試體位

有啲男人會喺婚後抱怨，話同老婆行房變咗例行公事，冇乜性趣可言……同樣地，有啲人妻會投訴老公只係顧自己，唔着重前戲之餘，連轉吓體位都懶，搞到佢哋勁無癮咁話。最近，日本AV廠E-BODY公布咗新一批作品，當中包括並木愛菜嘅處女作《理想的プロポーション人妻》，據講呢位AV界新人就係因為房事得唔到滿足而下海！

今年23歲嘅並木愛菜，五官標致，氣質清純，橫睇掂睇都唔似人妻，但原來佢結咗婚已經3年。講真，呢位太太嘅身材真係好正，腰幼之餘，仲有對彈手G奶，理論上身為佢老公應該未上床先興奮，又點會搞到佢慾求不滿呢？據愛菜表示，老公係床上悶蛋，用來用去都係得一招正常體位，所以忍無可忍要下海，希望搵一班男優幫吓手，趁後生試多幾個體位同床上玩法。無論呢個理由係真係假，以愛菜嘅質素嚟計，佢嘅下海絕對係AV迷嘅好消息，期望佢會為大家帶嚟精彩演出！