有性趣：邊聽邊震享高潮

所謂「Wave Motion」，其實即係將聲波變成震動嘅技術，情趣玩具用上呢項技術後，無論震棒或震蛋都能跟住成人影片、音樂、說話等聲音同步震動，從而產生美妙嘅體驗。不過用上呢項技術嘅情趣玩具，體積無可避免都係較大，唔方便帶出街，對想去到邊震到邊嘅女士嚟講無疑係個障礙。不過，最近有情趣用品公司終於推出超迷你版，闊1.5吋，長3.5吋，並以像真軟膠製成，不但能讓女士放喺底褲內，同時能緊貼私處，只要將遙控器放喺音樂源附近，或直接連接上，震動器便會隨節拍震動。有玩家用後報告指，發現產品最遠遙控距離係8米，而震動噪音亦唔算大，使用時唔會引起其他人注意，可惜嘅係產品震動力並唔算大，對鍾意重震嘅女士嚟講可能未必夠喉。