有性趣：天后級女優 失蹤後再蒲頭

舊時AV迷要同女優交流，幾乎冇咩可能，但係家陣好多女優會走出嚟開見面會、慶祝會，亦會透過互聯網發表個人動態，兼且畀網友留吓言。正因為社交平台嘅興起，女優嘅一舉一動多咗人注意，甚至會惹來唔同揣測，就好似AV廠Prestige嘅天后級專屬女優鈴村愛里，早前佢嘅社交網突然被凍結，之後仲冇晒消息，搞到好多AV迷以為佢會無聲無息咁消失於江湖。直至近期，愛里終於喺網上蒲頭，開設新帳戶，繼續同大家交流，佢除咗喺貼文中多謝大家嘅關心，仲話喺嚟緊嘅日子會透過社交網上載更多新消息，大家記得密切留意喇！