有性趣：幾時曳曳最醒神？

據英國營養及功能醫學醫生Sue Camp表示，呢個爭論已久嘅問題，其實可從激素角度嚟分析。佢解釋部分人喺曳曳後瞓得更好嘅原因，在於喺性行為期間所釋放出嚟嘅催產素、血清素同多巴胺，會有效破壞因壓力而產生嘅激素，故此喺曳曳後便感覺放鬆，更容易入眠。不過易入眠，唔代表有高質睡眠，正因為多巴胺等激素嘅產生，會同時帶嚟清醒及警覺感，故此會影響睡眠質素，咁就可以解釋到，點解有啲人會喺瞓醒後曳曳覺得更精神。Sue Camp又補充指其實想易入眠嘅話，唔使一定要曳曳嘅，最簡單嘅方法就係睡前唔好玩手機或平板電腦，因為睇屏幕會阻止人體分泌出令人困倦嘅褪黑色素。唔怪之得通宵煲劇，愈睇愈精神啦！