昔日東方喜雙飛：水擘擘Vs水晶晶 邊個最吸睛？
睇泰國網紅可以學泰文？梗係得啦！佢哋仲好慷慨展露事業線，滿足埋大家嘅眼球添！今日就搵嚟兩位巨乳索女比併，佢哋分別係「水擘擘」嘅Viwi Nattaphat同「水晶晶」嘅Munkaw，睇吓邊個最吸睛！
甜美激凸
用「水擘擘」嚟形容Viwi Nattaphat就最貼切，因為其意思係指好漂亮咁解，只要睇過佢喺社交平台上分享嘅寫真照，相信大家都會認同，佢的確係天使與魔鬼嘅混合體。
現居於泰國清邁嘅佢，五官標致，而且甜美可人，尤其係性感嘅嘴唇更加誘人，加埋白皙嘅肌膚，真係索到爆！佢嘅樣貌同一般嘅泰國女郎有相當大嘅分別，而講到吸睛，當然係佢擁有一副前凸後趷嘅身材，尤其係一對激凸車頭燈，無論係換上比堅尼定低胸衫都會露出令男士流晒口水嘅深溝。雖然Viwi經常着比堅尼示人，但佢話其實並非單純騷身材，皆因佢鍾意玩水上活動，好享受玩到濕身嘅感覺喎！
Viwi Nattaphat
年齡：25歲
身高：163cm
三圍：34D-24-35
童顏巨乳
泰文「水晶晶」係指靚女咁解，套用喺Munkaw身上只係啱咗一半，如果想更加貼切形容嘅話，應該稱佢做童顏巨乳至啱！現居於泰國曼谷嘅佢，天生麗質，樣貌清純甜美，予人鄰家女孩嘅感覺，但係胸前卻擁有一對脹卜卜嘅白滑巨乳，呢種樣貌可愛加胸悍嘅配搭，充分演繹出童顏巨乳嘅真諦！此外，佢曾經獲選為泰國十大話題美女，絕對係男士心目中嘅女神呀！不過相信大家都估唔到，原來佢今年已經30歲，以輕熟女之齡卻仍有童顏嘅外形，試問點會唔令人驚訝呢？
事實上，Munkaw深明自己嘅吸睛位喺邊，故此經常以波會友，中門大開、側漏、倒奶全部都應有盡有，佢表示希望大家能夠見識到佢對胸器嘅實力，如此一流吸睛效果，難怪佢嘅人氣咁強勁啦！
Munkaw
年齡：30歲
身高：164cm
三圍：34D-23-34
第1回合：鬥氣質
如果有睇過Viwi Nattaphat同Munkaw喺社交平台上分享嘅靚相，會發現前者嘅氣質優雅，而後者則散發出可愛嘅鄰家少女味道，而兩人亦好識得喺穿搭上，展現自己獨有嘅氣質，加上令人眼前一亮嘅車頭燈，可謂各有魅力。
第2回合：鬥胸器
雖然Viwi Nattaphat嗰對車頭燈，前睇側望都咁吸睛，輕輕一夾就唧出深溝相當誘人，但相對Munkaw嚟講卻係少咗啲澎湃感，無他嘅，因為Munkaw對燈唔單止稍勝一籌，佢嘅自拍相更經常特寫心口，胸奴迷梗Like啦！
第3回合：鬥人氣
網紅唔係人講嘅，邊個粉絲人數夠多，先至係稱得上人氣王。Viwi Nattaphat兩個社交網合共有逾100萬粉絲，之但係Munkaw仲厲害，兩個社交網合共有接近200萬粉絲，莫非童顏巨乳真係更吸引？
Report：Munkaw獲勝
雖然Viwi Nattaphat同Munkaw都係巨乳網紅，但前者主打優雅及姊系魅力，而後者則以童顏巨乳為賣點，兩人都各有魅力，不過如果要揀，小弟會鍾意Munkaw多啲，因為童顏巨乳始終都係最吸睛，而佢仲踩入埋Cosplay界，以好多唔同性感造型示人，令人大飽眼福。
撰文：賢
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
