有性趣：生完BB拍AV？

上一代嘅女星通常喺生完之後會順勢息影，專心相夫教子，但家陣時代已經唔同晒，更有日本女優話到明生完BB會繼續拍AV，係咪好Crazy呢？

講緊嘅係現年29歲嘅重口味女優川越唯，最近佢透過社交網發表一則重要消息，內文話好對唔住大家，遲咗公布自己處於休業狀態，而停工嘅理由係有咗身孕，仲要係6個月添！不過，川越唯強調自己唔會就咁同AV界講拜拜，只要順利喺12月預產期誕下BB，就會開始休養，等身體回復狀態，為再次拍AV做準備。話時話，佢咁做唔怕老公詐型咩？據聞佢既冇男友又冇老公，所以BB係冇爸爸嘅，佢亦無透露經手人係邊個，只係敬告各位男士未準備好做老竇嘅話，就算係飲醉咗上床都要做足安全措施，言下之意，莫非暗示自己係同其他男人因為酒後亂性而「搞出人命」？有AV迷喺得知消息之後，除咗送上祝福，亦同時表示好期待川越唯可以喺復出為大家送上母乳呢！