有性趣：AV女優來港賣淫 12萬貴唔貴？

好多男人睇得日本AV多，都好想可以學似班男優咁，同AV女優喺床上一較高下，亦因為咁，有AV女優鋌而走險提供色情服務搵快錢。早前，就有一位藝名愛澤乃亞嘅AV女優來港賣淫，據悉每次收費約6至7千港元，結果呢位女優被拘捕及判監2個月。而發生呢件事之後，卻傳出一個驚人消息，就係AV天后波多野結衣將會喺11月到訪台灣，一親芳澤價格更高達50萬台幣，即係大約12萬港元！嘩嘩嘩！價錢當然好貴啦，但係對於一直仰幕呢位又靚又好波又好床技嘅AV天后嘅朋友嚟講，相信幾貴都係值得！之不過，大家唔好咁快開心住，波多野結衣已經喺社交網親自回應，表示絕無其事，仲話自己唔會去台灣出賣肉體，喺日本亦冇從事任何風俗事業！哼！發布假消息嘅人擺明呃人，固然可恥，但係佢咁樣屈我哋嘅女神結衣賣淫，真係好離譜！