有性趣：對精液過敏禁慾10年

據早前喺醫療期刊《泌尿學病例報告》（Urology Case Reports）上發表嘅報告指，該男子對自己嘅精液出現過敏，無論係自娛定曳曳後，便會出現咳嗽、流鼻涕等類似感冒症狀，雖然佢多次求醫，但仍然未有改善，令佢被迫禁慾10年，早前才確認為患上罕見嘅「性高潮後病情症候群」（Post Orgasmic Illness Syndrome，簡稱「POIS」）。至於點解咁耐至搵到原因呢？原來「POIS」喺20年前才被首次發現並喺醫學文獻記載確認，至今記錄病例唔夠60宗，又因病徵唔明顯，故導致延診嘅情況。據稱「POIS」患者喺高潮後，會有9成機會出現極度疲憊、發燒盜汗、情緒不穩、語無倫次、記憶困難、鼻塞或流鼻水等症狀，症狀約維持2至7日後便會消失。據專家稱，由於每名患者嘅情況唔同關係，故此並無單一方法治療。