有性趣：3款Emoji 脫單機會Up

心心眼表情

網絡字典公司YourDictionary透過WordFinder檢視咗2,000名約會App英國用戶喺自我介紹嘅文字，再綜合埋佢哋約會成功率等數據，結果發現原來喺介紹中加入閉眼微笑、心心眼表情或咖啡杯呢3個Emoji嘅話，獲心儀對象睇中嘅機會大幅提升34%！相反，如果用咗茄子、便便同微笑魔鬼呢3款Emoji，吸引力就會大減。此外，研究又發現，如果喺職業一欄中，填寫虛假職位或空白的話，不但會減低吸引力，甚至會喺其他人眼中被視為唔誠實嘅人。講到誠實，調查結果又發現，如果喺自我介紹中，提及對愛情、音樂及兩性關係嘅睇法，亦有助營造一種誠實嘅形象。