有性趣：澳洲脫星全天候直播

四仔脫星透過OnlyFans搵銀已經唔係新聞，但有脫星卻稱佢嘅直播模式，將會為平台帶嚟革命性變化，究竟佢會有咩出位搞作呢？

任睇冇格仔

23歲嘅澳洲脫星Atlantis Deep，擁有34E-26-36嘅魔鬼身材，早年為咗搵錢，唔讀大學走去跳脫衣舞，跳出名堂後便轉做脫星，近年挾住喺四仔界嘅知名度，經營OnlyFans會員制帳號，除咗賣裸照外，當然亦唔少得拍攝自家成人影片。不過佢覺得人人都係咁做，好難殺出條血路，於是佢便開始「24/7直播模式」，認真搏到盡！「24/7」嘅意思就係指7日24小時不停直播，而為咗令會員可以睇足全程，全屋裝晒攝影機拍攝佢嘅一舉一動，日常生活同性生活都係零避忌兼冇格仔！佢表示諗出呢個做法嘅原因，係因為粉絲想睇更真實、更生活化嘅脫星生活，更認為呢個全天候直播模式將會成為潮流。