有性趣：伴娘隆胸新娘嬲爆？

呢位25歲匿名女網民早前喺網絡社區Reddit發文求助，事緣喺半年前佢答應閨蜜做伴娘，之後喺閨蜜嘅婚期前，佢走去做隆胸手術，而佢亦有同閨蜜講咗呢件事，當時對方表示冇問題。不過手術完成後，當佢透過視像同閨蜜分享「成果」時，對方嘅態度卻一百八十度轉變！女網民稱當時見到對方神情古怪，結果收線後15分鐘，就收到對方一段相當長篇嘅譴責短訊，怒斥女網民明知佢婚期將至，呢個時候至嚟隆胸實在過分，於是女網民試圖打電話畀對方解釋，並明言唔會着原定嘅低胸伴娘裙，但對方仍然唔原諒佢，更懷疑對方係存心喺婚禮上搶佢風頭，最後女網民表示唔做伴娘，對方竟以豎姆指Emoji回應。至於網民嘅反應係一面倒支持女網民，認為因為怕伴娘嘅激凸雙峰而搶自己風頭，可見佢嘅閨蜜係何等自卑又可笑。