昔日東方有性趣：雄蠶蛾酒益陽助性
好多人都對昆蟲感到厭惡，甚至懼怕，但係有科學家就提倡大家食蟲，事關唔少可供食用嘅昆蟲都含有豐富營養，飼養過程又唔會好似養牛牛咁，會導致大量碳排放。其實中國人自古以來已經對昆蟲入藥好有研究，當中更加發現雄蠶蛾對男人嘅雄風有莫大益處添！
如何利用？
據《民問百病良方》嘅記載，有一款補酒叫「雄蠶蛾酒」，做法好簡單，先預備20隻雄蠶蛾，用熱鍋烘乾後研磨成細末，但呢啲細末唔係用嚟浸酒而係用嚟送酒，每次食用分量為3克，並以20毫升白酒嚟沖服，每日可服用兩次。
有乜功效？
中醫名著《本草綱目》有提及雄蠶蛾具備補肝、壯陽等功效，現代科學研究亦指出雄蠶蛾體內含有豐富嘅雄性激素，對增強性功能有顯著效果。至於呢味雄蠶蛾酒有益精液、活精蟲等作用，所以適用於改善早洩、腎虛、陽痿、滑精、不育、精液量少等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
