有性趣：半數日男用呢個口

真係方便？

日本紡織大廠郡是（GUNZE）早前公布關於日本男士使用底褲開口嚟小便嘅調查，結果發現只有52%嘅男士習慣使用，有12.6%偶然會使用，31.4%完全唔會使用，更有3.6%嘅男士坦言根本唔知底褲上有開口！有見及此，有電視節目便進行街訪，睇吓男士對底褲開口嘅使用習慣，有40歲嘅上班族男士表示，佢從來唔用底褲嘅開口，原因係每次打開都好麻煩；另一位20多歲嘅後生仔坦言，佢習慣着運動內褲，小便時會直接除落嚟，根本用唔着底褲個開口。節目組總結街訪結果後，發現常用底褲開口嘅男士，絕大部分都係60歲以上男士，原因係同底褲嘅款式有密切關係。