昔日東方有性趣：蛤蚧菟絲酒 補腎壯陽
近期天氣明顯轉涼，相信唔少人都會諗起食蛇進補吧！話時話，入到蛇舖，除咗可以見到蛇，仲會搵到一隻二隻蛤蚧，雖然賣相未必人人接受到，但對男士嚟講，相當有益，用嚟浸蛤蚧菟絲酒，可以補腎壯陽，令男士喺房事方面增強雄風。
要咩材料？
話明係蛤蚧菟絲酒，當然要有蛤蚧同菟絲子呢兩種材料啦，前者要預備一對，後者則需要30克。與此同時，配埋仙靈脾30克、龍骨20克、金櫻子20克、沉香3克，以及兩公升白酒，就可以開工。
點樣做法？
先將蛤蚧除去頭足，然後搗碎，其他材料亦要打碎。跟住將全部材料塞入布袋，放入容器，再倒入白酒並密封。之後每日需搖勻數次，浸泡約20日之後就可以飲用。
有乜功效？
蛤蚧補肺益腎，菟絲子補腎益精，仙靈脾溫腎壯陽，再配合埋其他材料，可以令呢味補酒達到補腎、壯陽、固精等效果，適用於改善陽痿、遺精、早洩、腰膝痠困、精神萎靡等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
