有性趣:五子酒補腎固精
想喺床上享受一夕歡愉,男士們除咗要有能力硬起來,仲要保持一定持久力。點先可以令兵器硬淨得耐一啲?必須由改善「精力」入手,事關精關不固嘅話,好易出現過早洩射嘅煩惱,而今次介紹嘅五子酒,就有補腎固精嘅功效。
要咩材料?
所謂五子酒,包括枸杞子、菟絲子、女貞子、覆盆子、五味子,每種材料要預備50克,加埋2.5公升白酒,就可以自行浸製。
點樣做法?
將上述材料打碎,塞入布袋,再放入合適容器,跟住倒入白酒並加蓋密封,每日需要將容器稍稍搖動數次,49日之後就可以取酒飲用。
有乜功效?
含覆盆子成分,加埋其他材料都有補腎益精效果,所以飲咗呢款五子酒,能夠補肝腎、益精髓、縮遺尿、明晴目,適用於改善因肝腎虛損而出現嘅腰膝冷痛、軟弱無力、陽痿、遺精、滑精同尿頻等問題。
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500