有性趣：男友密室藏嬌?

事緣佢男友因為身體不適而留家休息，於是佢就上門照顧對方，然後趁男友入睡後，偷偷拎咗一條放喺床頭櫃嘅鎖匙，試圖打開一直被男友拒絕參觀，又唔講用嚟做乜嘅密室。當佢打開房門之後，便被房內6對死魚咁嘅眼嚇親，原來男友喺密室收藏咗6個超像真嘅情趣娃娃，而且更掛滿各種服裝，從休閒服、上班制服到情趣內衣都有，仲有各種特大號嘅像真棒棒及大量情趣潤滑油，令佢大吃一驚！

佢喺信中稱男友從來冇送過衫畀自己，卻為情趣娃娃買咗咁多衫，懷疑對方愛娃娃多過愛佢。而專家嘅回覆都係叫呢位女讀者同男友多啲溝通，但網民嘅意見就相當精彩，有人批評佢好奇心過重，有人話為Figure買衫一樣，冇乜好妒忌。不過有網民就力撐佢，話佢男友可能心理有問題，唔知大家又點睇呢？