今夜一丁：池田美利達 胸大唔怕露

日本藝能界可謂人才濟濟，出色嘅歌手同樂隊多不勝數，而美少女組合更加令人目不暇給！以「假面女子」為例，成員們唔止歌精舞勁，仲又靚又好波，現役童顏巨乳掌門人天木純就係出身於呢個組合！除此之外，「#babababambi」都有好多靚女成員喺寫真界發熱發亮，今日同大家介紹嘅池田美利達，就係其中一員。今年22歲嘅美利達，青春逼人，氣質有別於其他日本妹，事關佢係一名混血兒，老竇係印尼人，阿媽就係日本人。亦可能因為呢個緣故，阿妹嘅身材特別好，三圍比例弗到爆，胸前對F奶又大又挺，真係勁吸睛！

美利達喺近期先開始參與寫真演出工作，獲一家雜誌邀請製作電子寫真集《不再隱藏》，書名好貼題，因為佢嘅衣着一向密密實實，似乎無咩料到，估唔到一脫去外衣，竟然彈出一對飽滿嘅F奶，既然咁好身材，真係冇理由要再隱藏！其實同屬「#babababambi」嘅幾位成員包括水湊美緒、宇咲、岸美由早，早已勇闖寫真界，反應相當好，美利達算係遲起步，但表現都唔錯，好有上升潛力。話時話「#babababambi」呢個組合都幾威水，喺東京偶像總選舉2022年奪得第一名，亦令美利達顯得信心十足，仲定下目標，希望可以喺日本知名表演場地武道館開騷，預祝佢能夠心想事成啦！

池田美利達

年齡：22歲

身高：5呎4吋

三圍：35-24-35

身為人氣組合「#babababambi」嘅主力成員，池田美利達呢期嘅工作重心始終放喺登台方面，登入佢嘅社交網，就會知道佢同幾位隊友嘅最新動向。

網址：https://twitter.com/meruda__ikeda