有性趣：菟蝦酒 壯陽強筋骨

話明係菟蝦酒，主要材料分別係菟絲子同明蝦，各需120克，加埋核桃仁、棉於仁、炒巴戟天、骨碎補、枸杞子、杜仲、川續斷、牛膝、硃砂各60克，就可以開工。

將硃砂研磨成為細末，其他材料則打碎，然後將全部材料塞入布袋，並放入容器，倒入10公升白酒，以文火煮沸，約90分鐘後熄火，加蓋密封，浸泡5日，就可以適量飲用。

蝦肉含有蛋白質、脂肪、鈣、鎂、鋅、磷、硒等多種營養素，而且喺中醫角度，具有補腎壯陽嘅效果；菟絲子亦有補腎益精、養肝明目等功效，配合其他材料，令呢味補酒可以補肝腎、強筋骨、通血脈，適用於改善陽痿、遺精、尿頻、目眩、腰背痠痛等問題，好啱男士飲用。