昔日東方今夜一丁 ：齋藤愛莉 正統派超新星
所謂江山代有人才出，日本寫真界一直以來都有多不勝數嘅新人登場，雖然佢哋面孔新鮮，胴體亦相當鮮嫩，但係質素卻參差。而今日就為大家帶嚟一位正統派超新星，佢就係齋藤愛莉喇！
高挑嫩白
日本寫真界近期湧現好多嫩口新星，為大家獻出青春肉體及陽光氣息，佢哋唔單止甜美可人，身材亦豐滿誘人，不過大部分都係生得細細粒，想搵番個好似朝比奈彩呢類高挑美人兒真係唔容易，而齋藤愛莉就係其中一位。
今年19歲嘅佢，樣子清純可人，散發出一股未經世故嘅天真同純樸感覺，同時亦具備清新綺麗氣質，相當有明星相！身材亦非常好，一來夠高挑，二來纖巧得嚟上圍豐滿，一對E Cup美巨乳又大又挺，加埋一身鮮嫩白滑嘅肌膚，而且極具透明感，難怪被稱為正統派超新星喇！
多才多藝
出生於德島縣嘅愛莉，從家鄉走到東京發展演藝事業，從佢現時嘅工作情況嚟睇，發展得相當順利。從事寫真演出之後，由於天生麗質拍咗唔少備受好評嘅數碼寫真集，例如《冬之陽炎》，參加選美活動「Miss Magazine 2021」亦成功打入16強，成績總算唔錯。
除咗拍寫真之外，愛莉亦踩入電台為節目《#radionorarara》做主持，唔少人都大讚佢口才了得，上年仲有份參與電影《一個家族》，盡情發揮演技，認真係多才多藝。為咗有更多演出機會，愛莉積極參與電影選角嘅試鏡活動，最近佢就為即將開拍、由真人故事改編嘅電影《逃跑的摔角手》試鏡做女主角，希望阿妹能夠成功被選中做女一啦！
Profile
年齡：19歲
身高：5呎5吋
三圍：34E-24-34
社交網站
齋藤愛莉最近密密拍寫真增加曝光率，從其社交網中就可以睇到佢最近又拍咗咩主題材嘅寫真喇。另外，愛莉自認係貓奴，所以亦可以睇到佢同愛貓嘅合照，相當溫馨。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
