網紅熱搜：童顏巨乳 「泰」清純

成日話要成為性感網紅，唔單止要有靚樣同埋火辣身材，仲要有性感靚衫同靚景，務求打造成時尚、旅遊兼美食達人，咁先至能喺現今網紅充斥嘅時代，成功捕捉網民嘅目光。不過凡事冇絕對，呢位嚟自泰國嘅網紅Nook，卻憑住自己一套獨特風格而成功爆紅。

大家第一眼睇到佢嘅社交平台，目光即時落喺佢個心口度，冇辦法，因為佢嗰對車頭燈唔單止超巨型，事業線仲堪比大峽谷咁深！再望真啲，發覺佢幾乎所有自拍相都係呢種風格，嗰條又深又長嘅事業線，真係極之吸睛，配合埋稚氣未脫嘅樣貌，名副其實係童顏巨乳，試問點會唔受男士歡迎吖！

不過如果大家有留意佢喺社交平台上分享嘅照片，便會發現大部分嘅自拍照例必對正鏡頭，露出深溝加埋甜美笑容。老實講，從拍寫真角度絕對唔合格，第一冇全身相，第二冇騷到上半身以外嘅身材，驟眼望埋去就猶如證件相一樣，最多偶爾擺出彎吓腰蕩吓奶嘅甫士，或嚟多個半身背影照，同其他網紅嘅自拍照相比，話係合格都真係畀多咗佢。既然影得唔算好，甫士又冇變化，點解佢嘅社交帳號只係經營幾個月，就已經成功吸納到20萬粉絲呢？除咗童顏巨乳夠吸睛外，唔少網民話佢呢種唔造作唔擺性感甫士，又冇乜修飾嘅自拍風格，有好純情味道，予人初戀情人嘅感覺，唔知大家又認唔認同呢？

社交網站

Nook嘅網名叫「nook.napa」，有逾107個貼文，擁有20萬位粉絲，當中可以睇到佢好多自拍靚相，每張都展露出大峽谷深溝，必定會逼爆大家嘅眼球，加埋稚氣未脫嘅樣子，真係令人愈睇愈鍾意！

網址： https://www.instagram.com/nook.napa/