有性趣：四仔真實版激戰辦公室

唔少四仔題材都以色慾辦公室為題材，講一班好色男女喺辦公室激戰，以滿足四仔迷嘅幻想。最近英國有個調查結果顯示，發現原來有唔少人曾經喺辦公室自娛，甚至曳曳，簡直係四仔真實版呀！

被同事發現

喺疫情嚴重及封城嘅日子中，每日有過百萬打工仔要在家工作，而依家解封後，當地性生活資訊平台Bedbible便做咗個調查，睇吓英國男女在家工作時期，有冇喺工作時間內自娛，結果有47%嘅男女承認有自娛。不過令人意外嘅係，呢班男女當中，有34%曾喺辦公室內自娛，當中更有28%被同事發現！不過咁都未算大膽，因為問到有幾多人曾喺辦公室內曳曳時，竟有19%試過，就連Bedbible嘅發言人Jacob Bager亦稱，估唔到數字竟然有咁多！