昔日東方有性趣：冬地酒改善腎虛
經常聽人講，女人唔補好易老，咁男人呢？識得補一樣咁重要，就算唔介意面上多幾條皺紋、頭上多幾條白髮，都要顧及下半身嘅幸福，假如搞到雄風不再，冇力滿足女伴嘅需索，好易令兩性關係變差，真係勁閉翳。男人老化嘅迹象之一就係腎虛，要改善呢個問題，不妨試吓飲冬地酒！
要咩材料？
自行浸製冬地酒，所需材料都幾多，包括地骨皮、覆盆子、車前子各45克，菟絲子、肉蓯蓉各120克，天門冬、生地黃、熟地黃、淮山藥、牛膝、杜仲、巴戟天、枸杞子、山萸肉、人參、山茯苓、五味子、木香、柏子仁各60克，石菖蒲、川椒、遠志肉、澤瀉各30克。
點樣做法？
將上述材料搗碎並塞入布袋，再放喺容器內，跟住倒入3公升白酒兼密封，浸泡約7至12日，就可以適量飲用。
有乜功效？
冬地酒有多種補腎益精嘅材料，包括菟絲子、肉蓯蓉、覆盆子等等，配合其他有補氣功能嘅材料，令呢味冬地酒具有補腎添精、安神定志等效用，適用於改善腎虛精虧、中年陽痿等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
