有性趣：男人需要更長前戲？

大家喺曳曳時會花幾多時間喺前戲上？可能有人會話，男士只需要進入硬直狀態，而女士則係私處夠濕潤就足夠，根本唔使理前戲時間要幾長。不過臨床性學副教授兼美國Women and Couples Wellness研發部主任Steve McGough醫生表示，呢種憑生理反應去衡量前戲係咪足夠嘅做法並唔全面，根據多年嘅數據整合後，其實有客觀嘅前戲時間可作參考，分別係男士需要約13分鐘，女士則需要約11分鐘。咦！乜唔係女士比男士需要更長時間進入狀態咩？Steve解釋，原因在於男士需要更長時間透過身體接觸，令體內產生足夠嘅性愛賀爾蒙，並減少皮質醇，以達至進入性亢奮嘅狀態。研究又發現，如果喺前戲中加入情趣潤滑劑嘅話，有助縮短前戲所需時間，加快進入作戰狀態。