男極圈

網紅熱搜:F級胸器乘「峰」啟「韓」

有人話做網紅最重要夠大,不過大家咪心邪,唔係話胸大,而係話佢哋嘅名氣要夠大,否則就稱唔上網紅。不過話說回來,嚟自韓國嘅姜仁卿,佢嘅名氣之所以大到衝出國際,原因卻又同佢嘅身材有關。
氣質清純
䁥稱卿卿嘅姜仁卿,英文名叫Ebichu,據稱佢自細嘅夢想係成為模特兒,雖然佢樣貌甜美,而且擁有令男士興奮、女士妒忌嘅35F巨乳,只可惜身高僅得155cm,令佢未能一圓踏上天橋嘅夢想。
不過,由於佢嘅外形實在太吸睛,始終有伯樂欣賞,故此喺2018年便開始投身平面模特兒工作,以迷人又性感嘅形象示人,先後為多個媒體拍攝寫真,憑住清純嘅氣質,同埋令男士想入非非嘅深溝,成功打響名堂。2020年9月佢為一本雜誌當封面女郎,結果嗰期雜誌火速售罄,足見佢深受歡迎,自此佢嘅名字喺模特兒界無人不識。
人氣爆棚
之後,佢食住個勢發展網絡事業,經常喺社交平台上分享性感寫真,加埋喺模特兒界嘅知名度,粉絲人數喺短時間內突破200萬大關,相當厲害!與此同時,佢又進軍打機直播界,每次直播都引嚟相當多嘅粉絲捧場。據稱當時佢喺網絡上嘅人氣,已經係韓國網紅第一人,而且粉絲更係遍布世界各地,包括美國同日本等。
早前佢喺一個訪問中表示,最初做模特兒時覺得壓力相當大,當中最大嘅原因係覺得自己未夠迷人,身邊有唔少比佢更靚嘅模特兒,相對之下,佢覺得自己只係身材比較好少少,不過始終唔夠高挑,所以外形唔夠完美。而隨住人氣不斷提升,令佢嘅自信心番晒嚟,樂於喺鏡頭前展示自己嘅魅力。
社交網站
姜仁卿身材火辣,近年佢嘅自拍照更係愈嚟愈性感,衣着非常少布,事業線盡情展露,因此有網民期待佢開設會員頻道,等大家可以欣賞到佢更誘人嘅魅力。
Profile
出生地:韓國
身高:155cm
三圍:35F-23-35
撰文:魂
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500