有性趣：牡蠣煲湯 可改善遺精

睇個名都知，要炮製呢味湯水，事前需要預備4種材料，包括桂枝1両（去皮）、甘草2両（炙）、龍骨2両，同埋牡蠣2両（熬）。

所有材料放入容器，加5公升水，煮滾後收細個火，煲到啲水剩番一半為止，之後去渣，並趁暖飲用，每日飲3次。

牡蠣即係生蠔，含多種營養素，特別係蛋白質同鋅，兩種成分都可以增強男性賀爾蒙激素，所以一向被西方人視為壯陽之物。而喺中醫角度，牡蠣具有斂陰、潛陽、澀精等功效，配合能溫經通脈嘅桂枝、補脾益氣嘅甘草、斂汗固精嘅龍骨，對於改善失眠、遺精、陽萎等問題十分適用。