有性趣：32T「胸」中訴苦

今年26歲嘅模特兒Leia Parker，擁有一對32T核彈級巨乳，早前喺社交平台上分享稱，喺乘搭一班從美國飛往倫敦嘅航班，被鄰座男士嘅女友投訴佢對巨乳經常頂到佢男友，要求佢調位。Leia感到好委屈，一來經濟艙座位狹窄，二來佢冇用胸部碰撞過身邊男士。事情引起空中服務員嘅注意，並問Leia能否坐去廚房前嘅空中服務員座椅上，雖然覺得不忿，但為免令空服人員難做，便依照對方安排。佢坦言雖然覺得自己嘅利益受損，但暫時冇諗住要公布該航空公司名字，卻慨嘆其他人唔珍惜佢寶貴嘅「財產」。有網民對Leia嘅遭遇感到同情，不過有網民就覺得佢係博宣傳，事關佢嚟緊將會為美國男士雜誌拍攝寫真，唔知大家又點睇呢？