有性趣：鹿角膠溫補肝腎

鹿角膠又稱白膠、鹿膠，係利用梅花鹿或馬鹿嘅角煎熬而成嘅膠塊，屬動物類中藥，味甘、鹹，性溫，歸肝、腎經，具有溫補肝腎、益精養血等功效，仲可以改善腎氣不足、虛勞羸瘦、腰痛、陽痿、滑精等問題。

講到鹿角膠嘅功效，唔少中醫藥典籍都有提及，其中《本草綱目》就有以下記載：「鹿角生用則散熱行血，消腫辟邪，熟用則益腎補虛，強精活血，煉霜熬膏，則專於滋補矣。」

據中醫師建議，鹿角膠可以同龜板膠等藥一齊用，有助增強滋陰益腎嘅功效。若然同阿膠等藥一齊用，則能填精益血，補陰中之陽。如果以鹿角膠配人參，就可以大補元氣、益氣壯陽，功效相當顯著。