昔日東方有性趣：藍芽喇叭拆散頭家？
唔少人屋企都會有藍芽喇叭，方便大家聽歌或享受音樂，只係一個藍芽喇叭，點解會拆散頭家？話說早前有位女網民喺女性網絡社區Mumsnet上發文訴苦，話佢老公匿喺廁所度睇四仔，卻唔知道原來佢手機會自動連接睡房嘅藍芽喇叭，結果佢就聽足成套四仔嘅「音效」，同時佢就知道嗰一刻老公喺廁所自娛，女網民怒斥老公自私，情願自娛都唔同佢曳曳！
拒絕行房
女網民又稱，早喺婚前兩人已經極少行埋，更曾經搵過性輔導求助，喺老公發誓會努力改善呢個問題，佢先至答應嫁畀對方。點知婚後老公經常以冇性趣為由而拒絕行房，女網民坦言接受唔到無性婚姻，而呢個時候爆出呢單嘢，唔火滾就奇，仲懷疑老公其實唔愛佢。呢單料擺咗上網後，一眾網民都力撐當事人，話呢段婚姻注定失敗，有網民認為老公永遠唔會滿足老婆嘅需要，又有人就話呢個係赤裸裸嘅侮辱，甚至有人直言應該要離婚，唔知各位人夫又點睇呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
